گل


اورک بهانه توتوب اوت وئریر قراریما گل

گولوم ترحم ائله سولموش اعتباریماگل


چیخیر یریندن اورک تیتره ییر الیمده قلم

گؤزومده دالغالانیب چن دوشوب دیاریماگل


دیلکلر امنیتی ,آرزوو یامان چکیره م !

دوباره حسرت آهین بسله مه خوماریما گل


چیچکلرین اوره گین کینلی شاختالار بورویوب

باهار ترانه سی ,باخ! توزلو روزیگاریما گل


سن اولماسان بیلی سن دونیالار یالاندی منه

مؤهور وئر آنجاق اوزون وارلیق اعتباریما گل


یازار:شریفه جعفری